Våren byr på mange fantastiske råvarer. Vi er heldige som bur midt i matfatet og kan tilby våre gjestar rike fat med nykokt krabbe, hummar og villfanga fisk frå storhavet og ikkje minst hjort skutt av lokale jegera i område.
Vi set vår ære i å halde høg kvalitet på alt vi serverer.

Naturen rundt Knutholmen er ei oppleving i seg sjølv. Det går turstiar over fjella, mellom anna til kvite strender og høge klipper der du kan sjå havørn og heftig sjø. Du kan bli med oss på havet for å dra line eller fiske krabbe. Du kan padle brett eller kajakk, leige ein båt for deg sjølv, eller gå på budavandring med oss. Du kan ta eit bad i sjøen etter ein god og varm time i badstova.

Besøk stormjakthytta Dosabu og få panoramautsikt til storhavet.
Hytta er plassert på kanten av klippeterrenget og er open for alle.
Ta med deg god niste og varm kakao på termos og nyt den flotte utsikta medan havørna svever forbi.
Godt merka sti fra Nesje ca 3km lang. Fra kalvåg er turen 6,5 km lang.

Bli med oss på fisketur til havets skattekammer.

Vi gjer tilpassingar for kvar enkelt gruppe, med line- og teinedraging, eller lengre fisketid om du ynskjer det. Turen er berekna til 2 timar og blir tilpassa vêr og varsla forhold. Vi tek alltid omsyn til naturen.

Båten tek inntil 4 passasjerar og er ein spanande aktivitet for fiskarar i alle aldrar. Det er en kjentmann med på alle turar til ei kvar tid.

Lite er meir helsebringande enn ei dampande varm badstove før eit friskt bad i havet. Ei velgjerande oppleving du bør unne deg om du er i Kalvåg. Ein kan fort kjenne litt livsglede av slikt.

Det er med stor glede vi kan ynskje velkommen til Galleri Torsheim.
Oddvar Torsheim sitt eige galleri med over 700 kunstverk frå hans første maleri til hans siste verk.
Vi tilbyr private visningar på forespurnad.

Hjertelig velkommen til Kalvåg