Knutholmen ligg omtrent så langt vest i landet du kan kome. Fiskeværet Kalvåg ligg heilt ytst på øya Frøya, eit namn som i seg sjøl betyr «fremst». Mange kjem hit sjøvegen. Det er kanskje den finaste vegen, om ikkje ein likar spaghettivegane over fastlandet då.

Kjem du med bil kan du parkere rett ved der du skal bu. Vi tilbyr el-lading. Næraste flyplass er Florø. Flybillettar får du booka via Widerøe eller Dat.dk sine nettsider. Frå Florø går det hurtigbåt til Smørhamn. Knutholmen er behjelpelege med transport frå fergekaia eller vidare over fjellet som ein ekstra service for dei som ynskjer det. Rutetider for hurtigbåtene finn du på Norled eller Fjord1 sine nettsider.

Ta gjerne kontakt på telefon +47 57 79 69 00 om det er noko du lurer på.

Vi er opptekne av miljøet og driv målretta arbeid knytt til dette. Vi brukar lokale råvarer og lokale leverandørar, og baserer aktivitetar på det vi har nære. Vi veit kor viktig det er å ta vare på havet og ressursane. Knutholmen vart sertifisert som miljøfyrtårn i 2013, og mottok utmerkinga Årets Reiselivsbedrift i Sogn og Fjordane same år.

Vi er aktive i høve til utvikling av lokalsamfunna, og godkjend som lærebedrift i servitør- og kokkefag. Vi tek enno steg mot betre ressurshandtering.

Målet er å skape minst mogleg avtrykk etter kvar gjest.

Dei Historiske Hoteller og Spisestader er ei medlemsorganisasjon for dei mest unike hotella i Noreg. Det som kjenneteiknar medlemmane er godt vertskap, god atmosfære, god mat, god service, ei god velkomst, fine opplevingar og høg kvalitet i alle ledd.

Det handlar om overnatting og gastronomi i særklasse, om sjarmerande og historiske omgjevnader, om særleg vakre og spanande aktivitetar i tilknytting til hotellet.

Knutholmen er stolt medlem av Dei Historiske Hoteller og Spisestader.