Vi har verdas beste råvarer rett utafor døra.

Sprell levande sjømat. Skaldyr som enno grip kring seg med klørne i det du set deg til bords.

Vi set vår ære i å halde høg kvalitet på alt vi serverer. Anten det er villfanga eller villfiska, heimebaka eller handlaga.

Sjømat er naturleg nok vår spesialitet. Rike fat med krabbe, kreps, kamskjell, blåskjell, reker, fisk – alt etter kva som er i sesong. Surdeigsbrød og sild til frokost. Nærdyrka bær til dessert. Vi serverer også kjøt så lenge dyret har levd fritt.

Kokkane våre

Mat betyr mykje for oss. Ikkje berre er hotellsjefen utdanna kokk. Fleire familiemedlemmar jobbar på kjøkenet, saman med vener frå restauranter i Europa, kollegaer frå velrenommerte stader, kokkar som kjem hit for å arbeide på eit veldrive kjøken med høg kvalitet. Restauranten er sjølve hjartet av Knutholmen. Vi gjer vårt ytste for by deg verkeleg god mat ved å følgje sesongane og behandle råvarane med respekt.